Saturday, 3 September 2016

அப்துல் ரகுமான்

Nellai pasanga 01:04

முனைவர் சை. அப்துல் ரகுமான்
கவிக்கோ
பிறப்பு	அப்துல் ரகுமான் 1937 நவம்பர் 2 மதுரை கிழக்குச் சந்தைப்பேட்டை
இருப்பிடம்	சென்னை
தேசியம்	இந்தியர்
மற்ற பெயர்கள்	அருள்வண்ணன்
கல்வி	கலை முதுவர் முனைவர்
பணி	பேராசிரியர்
பணியகம்	இசுலாமியக் கல்லூரி, வாணியம்பாடி
அறியப்படுவது	சர்ரியலிசக் கவிதைகள்
சமயம்	இசுலாம்
பெற்றோர்	மஹி என்னும் சையத் அஹமத் – ஜைனத் பேகம்
பிள்ளைகள்	மகன்; மகள்
இணையதளம்
கவிக்கோ

அப்துல் ரகுமான்,(பிறப்பு: நவம்பர் 2, 1937), தமிழ்நாட்டைச் சேர்ந்த கவிஞரும், தமிழ்ப்பேராசிரியரும் ஆவார். கவிக்கோ என்று சிறப்பாகக் குறிப்பிடப்படுகிறார். 'வானம்பாடி' இயக்கக் கவிஞர்களோடு இணைந்தியங்கியவர். எழுதுபவர்களின் தலைவாயிலில் தம் கவிதை வெளியீடுகளின் வாயிலாகப் புதுக்கவிதைத் துறையில் நிலைநிறுத்திக் கொண்டவர்களுள் அப்துல் ரகுமான் சிறப்பாகக் குறிப்பிடத் தக்கவர் ஆவார். அவர் பால்வீதி என்ற கவிதைத் தொகுதி மூலம் தம்மை ஒரு சோதனைப் படைப்பாளியாக இனங்காட்டிக் கொண்டார். அத்தொகுதி வெளிவந்த போது கவிதையை நேரடியாகத் தராமல் உவமைகள், உருவகங்கள், படிமங்கள், குறியீடுகள் ஆகியவற்றின் வழி வெளியீட்டு முறையை அமைத்துக் கொண்டார். தமிழில் கவிதைக் குறியீடுகள் குறிந்து ஆராய்ந்து முனைவர் பட்டம் பெற்றவர். தமிழில் ஹைக்கூ, கஜல் ஆகிய பிறமொழி இலக்கியங்களை முனைந்ததிலும் பரப்பியதிலும் இவர் குறிப்பிடத்தக்கவர் ஆவார்.

1960 க்கு பின் கவிதை உலகுக்கு வந்த இவர் கவியரங்கக் கவிதைகளாலும் சிறப்படைந்துள்ளார். சிலேடை வார்த்தைகளால் கேட்போரைக் கவர்வது இவரது பாணி.வாணியம்பாடி இஸ்லாமியக் கல்லூரியில் தமிழ்ப் பேராசிரியராகப் பணி புரிந்தவர்.அறிவுமதி உள்ளிட்ட இளந்தலைமுறை கவிஞர்களுக்கு ஆசானாக விளங்கினார்.ஆலாபனை கவிதைத் தொகுப்புக்காக சாகித்ய அகாடமி விருது பெற்றவர்.

பிறப்பு

அப்துல் ரகுமான் மதுரையில் வைகை ஆற்றின் தென்கரையில் 1937 நவம்பர் 2 ஆம் நாள் உருதுக் கவிஞர் மஹி என்னும் சையத் அஹமத் – ஜைனத் பேகம் இணையருக்கு மகனாகப் பிறந்தார்.

கல்வி

அப்துல் ரகுமான் தனது தொடக்கக் கல்வியையும் உயர்நிலைப் பள்ளிக் கல்வியையும் மதுரையில் உள்ள பள்ளிகளில் பெற்றார். பின்னர் மதுரை தியாகராசர் கல்லூரியில் சேர்ந்து இடைநிலை வகுப்பில் தேறினார். தொடர்ந்து அக்கல்லூரியிலேயே பயின்று இளங்கலை, முதுகலை பட்டங்களைப் பெற்றார். அப்பொழுது முனைவர் மா. இராசமாணிக்கனார், ஔவை துரைசாமி, அ. கி. பரந்தாமனார், அவ்வை நடராசன், அ. மு. பரமசிவானந்தம் ஆகிய தமிழறிஞர்களிடம் பயின்றார்.

சென்னை தரமணியில் அமைந்துள்ள உலகத் தமிழாராய்ச்சி நிறுவனத்தில் அதன் இயக்குநராகப் பணியாற்றிய ச. வே. சுப்பிரமணியத்தை வழிகாட்டியாகக் கொண்டு புதுக்கவிதையில் குறியீடு என்னும் தலைப்பில் ஆய்வு செய்து சென்னைப் பல்கலைக் கழகத்தில் முனைவர் பட்டம் பெற்றார்.

பணி

தமிழில் முதுகலைப் பட்டம் பெற்றதும் தியாகராசர் நடத்திய தமிழ்நாடு என்னும் நாளிதழில் மெய்ப்பு திருத்துநராகச் சிலகாலம் பணியாற்றினார். அப்பொழுது தமிழகத்தில் இருந்த ஐந்து இசுலாமியக் கல்லூரிகளுக்கு ^[1] விரிவுரையாளர் பதவிக்காக விண்ணப்பித்தார். அவற்றுள் வாணியம்பாடி இசுலாமியக் கல்லூரியில் பணியாற்ற அவருக்கு 1961 ஆம் ஆண்டில் வாய்ப்புக் கிடைத்து. அங்கே சிற்றுரையாளர், விரிவுரையாளர், பேருரையாளர், பேராசிரியர், எனப் படிப்படியாக உயர்ந்து 1991ஆம் ஆண்டில் விருப்ப ஓய்வுபெற்றார். இதில் 20 ஆண்டுகள் தமிழ்த்துறையின் தலைவராகப் பணியாற்றினார்.

வக்பு வாரிய தலைவராக

தமிழ்நாடு வக்பு வாரிய தலைவராக 2009 மே முதல் 2011 வரை பணியாற்றி வந்தார்.

நூல்கள்

படைத்தவை

வ.எண்	ஆண்டு	நூல்	வகை	குறிப்பு
01	1974	பால்வீதி	கவிதை
02	1978	நேயர் விருப்பம்	கவிதை
03	1985	கரைகளே நதியாவதில்லை	கட்டுரை	சூனியர் விகடனில் வெளிவந்த தொடர்
04	1986	அவளுக்கு நிலா என்று பெயர்	கட்டுரை	சூனியர் விகடனில் வெளிவந்த தொடர்
05	1986	முட்டைவாசிகள்	கட்டுரை	சூனியர் விகடனில் வெளிவந்த தொடர்
06	1986	மரணம் முற்றுப்புள்ளி அல்ல	கட்டுரை	சூனியர் விகடனில் வெளிவந்த தொடர்
07	1987	விலங்குகள் இல்லாத கவிதை	கட்டுரை
08	1987	சொந்தச் சிறைகள்	வசன கவிதை	சூனியர் விகடனில் வெளிவந்த தொடர்
09	1989	புதுக்கவிதையில் குறியீடு	ஆய்வு	முனைவர் பட்ட ஆய்வேடு
10	1989	சுட்டுவிரல்	பாடல்	முத்தாரத்தில் வெளிவந்த தொடர்
11	1990	கம்பனின் அரசியல் கோட்பாடு	ஆய்வு	அமரர் ஏவி.எம். அறக்கட்டளை நினைவுச் சொற்பொழிவு
12	1995	ஆலாபனை	கவிதை	சாகித்திய அகாதமி விருது பெற்றது. பாக்யா இதழில் வெளிவந்த தொடர்.
13	1998	பித்தன்	கவிதை	குங்குமத்தில் வெளிவந்த தொடர்
14	1998	விதைபோல் விழுந்தவன்	கவியரங்கக்கவிதைகள்	அண்ணா கவியரங்கக் கவிதைகள்
15	1998	முத்தமிழின் முகவரி	கவியரங்கக் கவிதைகள்	மு. கருணாநிதியைப் புகழ்ந்து பாடியவை
16	1999	பூப்படைந்த சபதம்	கட்டுரை
17	1999	தொலைப்பேசிக் கண்ணீர்	கட்டுரை
18	2003	காற்று என் மனைவி	கட்டுரை
19	2003	உறங்கும் அழகி	கட்டுரை
20	2003	நெருப்பை அணைக்கும் நெருப்பு	கட்டுரை
21	2003	பசி எந்தச் சாதி	கட்டுரை
22	2003	நிலவிலிருந்து வந்தவன்	கட்டுரை
23	2003	கடவுளின் முகவரி	கட்டுரை
24	2003	முத்தங்கள் ஓய்வதில்லை	கட்டுரை
25	2004	காக்கைச் சோறு	கட்டுரை
26	2004	சோதிமிகு நவகவிதை	கட்டுரை
27	2004	மின்மினிகளால் ஒரு கடிதம்	கவிதை	கஜல் கவிதைகள்
28	2005	தாகூரின் 'சித்ரா'	மொழிபெயர்ப்பு
29	2005	ரகசிய பூ	கவிதை
30	2005	சிலந்தியின் வீடு	கட்டுரை
31	2005	இது சிறகுகளின் நேரம்	கட்டுரை	சூனியர் விகடனில் வெளிவந்த தொடர்
32	2006	இல்லையிலும் இருக்கிறான்	கட்டுரை
33	2006	பறவையின் பாதை	கவிதை
34	2007	இறந்ததால் பிறந்தவன்	கவியரங்க கவிதை	முதல் தொகுதி
35	2008	தட்டாதே திறந்திருக்கிறது	கட்டுரை
36	2010	எம்மொழி செம்மொழி	கட்டுரை
37	2010	பூக்காலம்	கட்டுரை
38	2011	தேவகானம்	கவிதை
39		கண்ணீர் துளிகளுக்கு முகவரி இல்லை	கவிதை
40	2013	பாலை நிலா	கவிதை

நூலாக வேண்டிய படைப்புகள் / தொடர்கள்

· முத்தாரத்தில் வெளிவந்த கேள்வி - பதில்

· ஆனந்தவிகடனில் வெளிவந்த ஈழ வரலாறு

· கவியரங்கக் கவிதைகள்

பதிப்பித்தவை

· குணங்குடியார் பாடற்கோவை

· ஐந்து சிறுகவிதைத் தொகுப்புகள்

இதழ்ப் பணி

விருதுகள்

கவிக்கோ என அழைக்கப்படும் அப்துல் ரகுமானுக்கு பல்வேறு விருதுகள் பல்வேறு அமைப்புகளால் வழங்கப்பட்டன. அவை வருமாறு:

வ.எண்	ஆண்டு	விருது	வழங்கியவர்	குறிப்பு
1	1986	கவியரசர் பாரிவிழா விருது	குன்றக்குடி அடிகளார்
2	1989	தமிழன்னை விருது	தஞ்சைத் தமிழ்ப் பல்கலைக் கழகம்	இவ்விருது புதுக்கவிதைக்காக வழங்கப்பட்டது
3	1989	பாரதிதாசன் விருது	தமிழக அரசு
4	1989	கலைமாமணி விருது	தமிழக அரசு
5	1992	அக்ஷர விருது	அக்னி
6	1996	சிற்பி அறக்கட்டளை விருது	கவிஞர் சிற்பி அறக்கட்டளை
7	1997	கலைஞர் விருது	தி. மு,க.	ஒரு இலட்சம் ரூபாய்
8	1998	ராணா இலக்கிய விருது
9	1999	சாகித்ய அகாடமி விருது	சாகித்ய அகாடமி, டெல்லி	ஆலாபனை கவிதைத் தொகுதிக்காக வழங்கப்பட்டது
10	2006	கம்ப காவலர்	கொழும்பு கம்பன் கழகம், இலங்கை
11	2007	பொதிகை விருது	பொதிகை தொலைக்காட்சி, சென்னை
12	2007	கம்பர் விருது	கம்பன் கழகம், சென்னை
13	2007	சி. பா. ஆதித்தனார் இலக்கிய பரிசு	தினத்தந்தி நாளிதழ்	ஒரு இலட்சம் ரூபாய்
14	2008	உமறு புலவர் விருது		ஒரு இலட்சம் ரூபாய்